احد زمايلنا من سنه 3
كان عنده امتحان باثولوجي
وهو ميعرفش اصلا الماده عن ايه !!
المهم ليله الامتحان قاعد مع صاحبه اللى فى 6
قاله : اشرحلي اي حاجه اقولها بكرة في الامتحان
قاله: من عينيا بسيطه.
اي حاجه اخرها (اوما) تبقى ورم حميد قاله حلو
اي حاجه فيها (كارسينوما او ساركوما) تبقى ورم خبيث قاله قشطه
قاله بس كدا شفت الباثولوجي سهل ازاي
انبسط قوي ودخل بقى تاني يوم الامتحان بقلب جامد
وكانت المفاجأه.........؟
صاحبنا خرج من الامتحان تاني يوم صاحبه بيقوله عملت ايه ؟؟
قاله : منك لله ياشيخ
فرد صاحبه : ليه بس ؟؟!!!
قاله: معرفش الدكتور سألني سؤال جاوبته
قام متنحلي ومبرق وقالي بصوت عالي اطلع برا يا حيوااااااااان !!
صاحبه : ليه هو سألك في ايه ؟؟
قاله : حاجه كدا اسمها شستوزوما
schistosoma
قاله : يانهار اسود وانت قلتله ايه ؟؟
قاله عملت بنصيحتك وقلتله دا ورم حميد
بيطلع في الصدر اللي هو chest
صاحبه مقدرش يمسك نفسه من الضحك
وقاله : تصدق دى الحاجه الوحيده في الطب الي اخرها اوما ومهياش ورم
انت الي منحوس يابني والله !!
Sent from my BlackBerry® from Vodafone
Subscribe to:
Post Comments (Atom)
Posts
No comments:
Post a Comment