نكت 1

واحدة ست راحت للدكتور قالته يادكتور إبنى مبياكلش كويس قالها طيب بيفطر إيه قالتله ياعين أمه ياعين أمه بيفطر20بيضة بس قالها طيب بيتغدى إيه قالتله ياعين أمه ياعين أمه30فرخة بس قالها طيب بيتعشي إيه قالتله

ياعين أمه ياعين أمه ورك خروف بس رد عليها وقالها ياعين أمه ياعين أمه كمان شوية ياكل الدكتور وأمه

مرة واحد صعيدى عايز يسافر فى القطر وممعهوش فلوس راح جايب ورق دمغه من البريد وحاطه على قفاه وقام

راكب القطر الكمسرى قاله هات الاجرة سكت قاله تانى هات الاجرة قاله انت حمار مش شايف ورق البوسطه انا جواب مسوجر راح الكمسرى ضاربة على قفاه قاله ايه اللى انت عملته دا قاله دا ختم البوسطه

كانت هناك مسابقة بين أمريكي وأوربي وصومالي ومصري
فسألوا الأمريكي: إيه رأيك في مشكلة الغذاء في العالم؟ فقال: عالم يعني إيه عالم؟، أنا معرفشي أي عالم غير أمريكا. فسألوا الأوروبي: إيه رأيك في مشكلة الغذاء في العالم؟ فقال مشكلة! يعني إيه مشكلة؟، أنا معرفشي حاجة اسمها مشكلة. فسألوا الصومالي: أيه رأيك في مشكلة الغذاء في العالم ؟ فقال غذاء !، يعني إيه غذاء؟، أنا معرفش حاجة اسمها غذاء. فسألوا المصري: إيه رأيك في مشكلة الغذاء في العالم؟ فقال رأي! يعني إيه رأي؟، أنا معرفشي حاجة

اسمها رأي

غبي طردوه من قاعة الامتحانات عشان كاتب جدول الضرب ورا الالة حاسبة

مرة واحد قهوجى اشترى تاكسى طلع الكراسى برة

واحد ميكانيكي فتح مصنع شيكولاتة سماه كالاكسى

عملوا جائزة مليون جنيه للي عنده 10 عيال.واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده

مره واحد كان بيشتغل بياع طورشى فجيه يتجوز فا ابو العروسة ساله بتشتغل ايه قاله انا تاجر قطع خيار

سال الاستاذ التلميذ اذكر ثلاث حيوانات برمائية فأجابهالضفدعة وأختها وامها

اتنين حشاشين دخلوا السينما و بدل ما يقعدوا جنب بعض قعدوا ورا بعض الحشاش اللي ورا ياخد نفس من السجارة و يروح مناولها للحشاش اللي قدامه و يقوله مساء الخيييير و قعدوا على كده لحد ما طب البوليس على السينما و مسك الحشاشين الحشاش الأولاني راح السجن و الحشاش التاني فضل مهنج رافع ايده مستني السجارة راحوا حطينه في مستشفى المجانين بعد خمس سنين طلع الحشاش الأولاني من السجن و قال لما أروح أزوره في المستشفى راحله المستشفى لقاه لسة مهنج على نفس الوضع يخبطه ينغزه مفيش فايده راح جايله من وراه و ولع سجارة و ناولهاله و قاله مساء الخييير قام التاني أخد منه السجارة و قاله ايه ياعم ساعة

واحد طويل جدا راح للفكهانى وقال له اوزن لى 2كيلو مشمش من ده قال له وطي شويه ده برتقال

اتنين صعايدة قاعدين مع بعض واحد قال للتاني تعالى نلعب شربوخبخ في البلكونة قاله يعني إيه بلكونة

مرة واحد صعيدي و واحد ياباني قاعدين اليابني قعد يكتب علي ايدة فراح الصعيدي قالة بتعمل اية قاله بتصل اصل احنا اتقدمنا للدرجة دية شوية الصعيدي راح مقطع ورق وحطة في بقة الياباني قالة بتعمل اية قالة ببعت فاكس

مرة واحد بيحلق .. الحلاق سأله : عايز ودنك اليمين؟ الزبون ضحك وقاله لأ... قام الحلاق قطعها ورماها فى الشارع.. وبعدين ساله:عايز ودنك الشمال؟ الزبون صرخ وقاله اه.. قام الحلاق قطعها وادهاله

واحد صعيدي مقابل صاحبه فصاحبه بيقوله مش تباركلي مش مراتي جابت محمدين قاله والله وسمتوه ايه

مره ثعبان قابل واحد مكوجى فى الطريق الاثنين بخوا فى بعض

مسطول بيقول لصاحبه: يا أخي إمبارح دخلت فلم هندي هايل بتاع راجل وست ماشيين في الشارع لقوا طفلة مولودة في اللفة خدوها وربوها لغاية ما كبرت وفي الآخر طلعت أمهم